Smart-тан жасалған джип

Сити-кардың қала көшелерінде өзін тамаша ұстауы көптің көңілінен шығып, шағын машина көз үйренген көлікке айналды. Оны офф-роудқа қатысушы ретінде елестету өте қиын. Содан болар қолынан іс келетіндер екі адам сыятын техникаға өзіне тән емес қасиет беруге құмар.

1 / 7

• 
• 
• 
• 
• 
• 
• 

1 / 7

Gotham Garage шеберлері 2012 жылғы Smart Fortwo-ға жақсарған бөлшектері бар реттелетін койловер орнатты. 15 дюймдік болат дискілерін 30 дюймдік бұдырлы шинамен қаптаған, арт жағын пластик қанат бүркеп тұр.

Жұмыс барысында көліктің орнықтылығы артпай, керісінше кемігендіктен, жүксалғыш пен қосымша шам жақтауының қызметін атқаратын түтік тәрізді каркас пайда болды. Мамандар астыңғы бөлік қорғанысы, қосымша дөңгелек пен шығырды да ұмытпапты. Ал 70 ат күшін бес сатылы автомат арқылы артқы оське беретін үш цилиндрлі бензомотор орнын сақтап қалды. Демек автомобильдің жылдамдығы артқан жоқ.

Айта кетерлігі «бұлшық еті» бұлтиған модель Netflix Car Masters: Rust to Riches шоуы үшін жасалған. Шоубизнестегі мансабы аяқталған соң сүйкімді Smart Cars & Bids аукционына шықты. Бағасы әзірше 7500 доллар шамасында, бәссауда аяқталғанша тағы біраз қымбаттауы мүмкін.