Škoda жаңарған Octavia-ны ақпанда көрсетеді

Škoda жаңа жылды бестселлер Octavia моделін жаңартумен бастамақшы. Қазіргі уақытта болашақ рестайлинг туралы ресми мәлімет жоқ, бірақ бірінші тизерден автомобильдің жаңа оптикасын байқауға болады.

Камуфляжбен қапталған прототиптердің суреттері мен инсайдерлік ақпарат бойынша Octavia-ның жарық техникасымен қатар алдыңғы және артқы бампері, шамдары, радиатор торы және универсал шанағындағы жүксалғыш есігі ауысады. Тыңшылар түсірген фотодан жаңа медиакешенді және орталық консольдегі кейбір өзгерісті байқауға болады.

Octavia-ның мотор гаммасы жаңарған Kamiq кроссоверіндегі 116 ат күші бар 1 литрлік турбоқозғалтқышпен толығады деген болжам бар. Түпнұсқа моторлар, оның ішінде 2 литрлік агрегат өзгеріссіз қалады.

Компания жаңарған Škoda Octavia-ны биыл ақпанда көрсетеді. Біраз уақыттан кейін жаңа өнім Қазақстанға да келеді. Осы жылдан бастап Škoda біздің елге ресми түрде оралуды көздеп отыр.