Škoda Elroq RS-тың қуатты әрі жылдам нұсқасы шығады

Škoda қаңтарда Elroq электрокарын өндіре бастаған, енді топтамаға RS белгісі бар толық жетекті түрленім қосылды. Жаңа өнімнің қуаты Enyaq-тың осыған ұқсас нұсқасымен бірдей, бірақ Elroq RS-тың салмағы аз болғандықтан, динамикасы жақсырақ болады. Модель Еуропа нарығына биыл жылдың екінші жартысында шығады.

Elroq RS-тың электромоторы 340 ат күшін берді. Алғашқы жүздікті 5.4 секундта еңсереді, ал ең жоғары жылдамдығы — 180 км/сағ. Кроссовер басқа нұсқаларға қарағанда сыйымдылығы біршама үлкен батареямен (85 кВт⋅сағ) жүреді. Жүріс қоры — 550 км.

1 / 5

• 
• 
• 
• 
• 

1 / 5

Электрокарды қуаты 185 кВт станцияда қуаттауға болады, энергия қоры 26 минутта 10-нан 80 %-ға дейін толады.

Elroq RS спорттық аспа және алдыңғы осьтегі мықты тежеуішпен жабдықталған. Опция ретінде бейімді амортизаторы, бірнеше жұмыс режимі бар DCC шассиі қолжетімді. Дөңгелек дискісінің диаметрі 21 дюймнен аспайды.

RS нұсқасы әдеттегі Elroq-тан сәл агрессивті бампері және қара шанақ декорымен ерекшеленеді. Сондай-ақ кроссоверде үлкен спойлер және арнайы тақтайша болады. Стандарт жабдықтар тізіміне матрицалы жарық техникасы кіреді.

1 / 4

• 
• 
• 
• 

1 / 4

Салонда үлкен бүйірлік тірегі бар кресло және төменгі жағы тегіс рөл (оны Škoda спорттық деп атайды) көзге түседі. Марка салонды фирмалық сұр-жасыл түсті синтетикалық күдерімен қаптаған. Дисплейі 13 дюйм медиажүйе орнатқан. RS әдеттегідей ең үздік комплектациямен сатылады.

Қазір ең қымбат Elroq — 6.6 секундта жүзге дейін жылдамдық алатын моножетекті 85 Sportline. Ол Германияда 48.4 мың еуро (27 млн теңге) тұрады. Elroq RS-тың бағасы одан жоғары болатыны анық.