Қоғам талқысына салынған «Шымкент қаласының аумағындағы тұрақ ақысын төлеуге және тұрақтағы көлік құралдарының тұрған уақытын есептеуге арналған арнайы сертификатталған құрылғылармен жабдықталған тұрақ орындарының ережелері мен тарифін бекіту туралы» әкімдік қаулысына сай, жүргізушілерден сағатына 100 теңге талап ету ұсынылып отыр.
Бірақ Алматы мен Астанадағыдай, тұрақ қызметкерлері көліктің амандығы үшін жауап бермейді, яғни ауадан ақша жасайды деген сөз.
Алғашқы 100 тұрақ орны қаланың орталығына салынады деп жоспарлануда. Тротуар жанындағы ақылы тұрақ Түркестанская көшесінде, Әл-Фараби алаңында, Момышұлы көшесінде және Республика даңғылында пайда болады.
Бұрын коммуналдық тұрақтар жобасын таныстыру барысында шымкенттік шенділер оның мемлекеттік-жеке серіктестік шарттарына сай жұмыс істейтінін және құрылысына 109 миллион қаржы кететінін айтқан.
Комментариев: 0