Сәуір аяғында Алматыдағы ақылы тұрақтар жекенің қолынан әкімдік меншігіне өтетіні белгілі болды. Нұр-Сұлтандағы сервисті де дәл сондай болашақ күтіп тұрған сияқты.
Бас қаладағы ақылы тұрақ қызметіне көптен бері сын айтылып келеді, енді жобаның тиімділігіне қатысты үкімет құрған «Қазақстандық мемлекеттік-жекеменшік әріптестік орталығы» АҚ пікір білдірді.
Орталық мамандары Нұр-Сұлтанда көлік қоятын орын жетпеуімен байланысты мәселе әлі шешілмеді дейді. Олар бұрыннан бар инфрақұрылымда қызмет етеді. Желі кеңейген жоқ. Ақылы тұрақтың көбі тұрғын үйлерге жақын не солардың арасында орналасқан. Бұл халықтың тегін тұрақты пайдалану мүмкіндігін азайтады. Нәтижесінде жобаны іске асыру барысында қабылданған қате шешімдер бастапқы мақсатты орындауға кедергі келтірді.
МЖӘ жобаларын зерттеу және бағалау департаментінің сарапшысы Талант Мықтыбеков 2019-2021 жылдар аралығында «Астана тұрақ кеңістігі» ЖШС-іне ереже бұзғаны туралы бірнеше ескерту жолданғанын айтты.
Комментариев: 0