Билік елдегі трассаларда бөлек тариф енгізбекші. Көлік министрлігі ақылы жолда төлем қабылдау ережесіне өзгеріс енгізетін жоба әзірледі.
Құжатта «шетелден келетін жүк тасушылар жолға ауыр жүктеме түсіретіндіктен, бөлек тариф трассаларды күтіп ұстау және қалпына келтіру сияқты қосымша шығынның орнын толтыруға мүмкіндік береді, ол Қазақстанның экономикалық мүддесін қорғауға және халықаралық көлік қатынасындағы өзара теңдік қағидатын қамтамасыз етуге де бағытталған. Қосымша табыс жол инфрақұрылымын жақсартуға және күтіп ұстауға жұмсалады. Бұл норма ЕАЭО елдеріне, ҚР резиденттеріне және үкіметаралық келісімде ақылы жолмен жүру шарты қарастырылмаған елдерге қолданылмайды», — деп жазылған.
Көлік министрлігі Kolesa.kz редакциясына хабарлағандай, ақылы жолмен тегін жүруге мүмкіндік беретін үкіметаралық келісім жасаған 14 елдің тасымалдаушылары үшін тариф өзгермейді. Олар:
- Грекия,
- Испания,
- Қырғыз Республикасы,
- ҚХР,
- Литва,
- Моңғолия,
- Армения,
- Беларусь,
- Румыния,
- Словения,
- Ресей Федерациясы,
- Сербия,
- Хорватия,
- Швейцария.
Үкімет төлем мөлшерлемесін әзірлеп жатыр.
Комментариев: 0