Жуырда Ішкі істер министрлігінде өткен брифингте ІІМ ӘПК МАИБ-ның басшысы Юрий Козлов армениялық, қырғызстандық және ресейлік көліктердің жаппай «ауланбайтынын» айтты. Бірақ ЕЭО елдерінен машина алып, оны 10 күн ішінде тіркеуге қоймаған азаматтар тіркеу туралы заңды бұзғандармен теңестіріледі. Сол кезде сенімхат арқылы басқарылатын көліктер туралы мәселенің басы ашық қалған еді.
МАИБ басшысы kolesa.kz тілшісіне телефон арқылы хабарлағандай, қазақстандықтар сенімхат бойынша жүргізетін көліктерге басқа заң нормалары қолданылады. Ондай автокөліктер халықаралық қозғалысқа қатысушылар болып саналады, бірақ көлік иесі (сенім білдіруші, яғни сенімхат беруші) ЕЭО елдерінің азаматы болса не тұрақты тұрғын болса ғана. Мысалы, көлік иесі шетелдік, ал Қазақстан азаматы оның машинасын еңбек келісімшарты негізінде жүргізуі мүмкін. Мұндай автомобильдер Қазақстан аумағында бір жылдан артық жүре алмайды («Жол жүрісі туралы» заңның 63 және 65-баптары).
Белгіленген мерзім өткен соң мұндай көлік құралдары елден шығарылуы керек не тиісті алым-салықтары төленіп, Қазақстанда тіркелуі тиіс. Егер автокөлік Армения не Қырғызстанға 2014 жылдың 1 қаңтарынан кейін әкелінген болса, кедендік төлемдердегі айырмашылықты да төлеу қажет болады. Ал ресейлік не беларусьтік машиналар үшін тек утилизациялық алым мен бастапқы тіркеу алымы төленеді.
Жоғарыда айтылғандарды қорытындыласақ:
Ел азаматының жеке меншігіндегі автокөліктер Қазақстанда міндетті түрде тіркелуі тиіс. Заңды бұзғандарға 10 АЕК көлемінде айыппұл салынады, ал көлік айып тұрағына жіберіліп, әрі қарай соттың шешімімен елден шығарылады. Бұл Армениядан келген көліктердің барлығына дерлік қатысты, себебі оларды қазақстандықтар өз аттарына тіркеп, сатып алған.
Ел аумағына сенімхат бойынша кірігзілген көлік құралдары Қазақстан жолдарында бір жылдан артық жүйтки алмайды. Мерзім өтісімен оларды елден шығару керек (кемі 30 күнге), не болмаса Қазақстанда тіркеу қажет. Көліктің елде қанша уақыт жүргенін полицейлер шекарашылардың деректер базасынан көре алады.
Комментариев: 0