Механикалық көлік құралдары мен олардың тіркемесін міндетті техникалық тексерістен өткізу қағидасына өзгеріс еніп, ресми жарияланды, енді ол 10 күннен кейін, яғни 2023 жылғы 2 қаңтардан бастап қолданысқа енеді. Жаңарған нұсқада ереже Қазақстан аумағында тіркелген автокөліктерге қатысты деген норма болмайды.
Көлік тексеретін орындар мынадай жағдайда ғана машинаны тексеруден бас тарта алады:
- көлік иесі техникалық төлқұжатын бермесе;
- машинаның өзін тексеріске әкелмесе;
- шанағы немесе шассиі ауысқаны техникалық төлқұжатта көрсетілмеген көлікті тексеріске әкелсе;
- мемлекеттік нөмірі жоқ болса.
Көлік тексеретін орын қызметкері, мысалы, деректер базасында жоқ деген сияқты себеппен шетелдік машинаны тексерістен өткізуден бас тарта алмайды.
Сондай-ақ кейбір жүк-жолаушы таситын жеңіл автомобильді фургондар секілді алты ай сайын тексерістен өтуге міндеттейтін ереже күшін жояды.
Жақында «Жол жүрісі туралы» заңға да өзгеріс еніп, жарияланады.
28:12.2022 ж 12:00-де қосылған мәлімет:
ҚР ИИДМ Kolesa.kz редакциясына шетелдік көліктерді міндетті техникалық тексерістен өткізу заңға тиісті өзгеріс енген соң басталатынын хабарлады. Қазір заң жобасын мәжіліс қарап жатыр.
Шетелдік көліктерді техникалық тексерістен өткізу тәртібіне қатысты ақпарат заң жобасы қабылданғаннан кейін министрліктің ресми сайтында жарияланады.
Комментариев: 0