«Жол жүрісі туралы» заңның 88-бабына Қазақстанда 90 күннен ұзақ жүретін машинаның бәрін техникалық тексерістен өтуге міндеттейтін норма қосу жоспарланып отыр.
Норма жасы 7-ден аспаған, автомобиль көлігі саласындағы кәсіпкерлік қызметте қолданылмайтын машиналарды қамтымайды.
Басқа мемлекеттен келген жүргізуші Қазақстан аумағына кірмес бұрын өз елінде тексерістен өте алады, оны диагностикалық карта арқылы растайды. Біздің елде өтуге де мүмкіндік бар. Сол үшін міндетті техникалық тексеріс процесін ұйымдастыру және өткізу ережесіне өзгеріс енеді.
Шетел азаматының көлігін техникалық тексерістен өткізгені туралы мәлімет бірыңғай базада сақталады. Заңға түзету енген соң қонақтар тексерілмеген машина үшін 5 АЕК айыппұл төлейді.
Қазір жобаны сенат қарап жатыр. Мақұлдаса, қол қою үшін президентке жолданады.
Комментариев: 0