Екі орындық кішкентай көліктің клиренсі — 145 мм, ал бұрылу бұрышы — 3.9 метр. Бұл оның бір орында айналуына мүмкіндік береді. Шассиі ірі көліктердікі сияқты: алдында — McPherson мен дискілік тежеуіштер, артында — арқалық пен барабанды тежеуіштер, шина көлемі — 155/70 R13.
Пластиктен жасалған шанақ панельдерімен қапталған машинаның жарақталған массасы 670-690 кг шамасында. Электрлі мотордағы 12,5 ат күші мен 56 Нм айналу моменті артқы дөңгелектерге беріледі. Сыйымдылығы 9 кВт·сағ батарея көмегімен машина 150 шақырымды еркін еңсереді. Максимал жылдамдығы сағатына 60 шақырымнан аспайды, ал толық қуаттау үшін 5-тен 16 сағатқа дейін уақыт жұмсайсыз.
Техникалық жағынан аса озық емес, жабдығы аз, әрі салоны матамен қапталып, монохромды экран орнатылған Toyota С+pod бағасы — 1.65-1.716 млн иен (6.7-7 млн теңге) аралығында. Одан бөлек жаңа машинаны қызметтік автопарк көлігі ретінде заңды тұлғалар ғана алады. Ал жекелеген адамдарға 2022 жылы сатылады.
Комментариев: 0