Габаритные огни и фары должны быть у электросамокатов

Электросамокатта көлемді шамдар болу керек

Алматы полициясы ел арасында аса танымал осы көлік түріне қойылатын талаптарды атады.

«Электросамокаттар мопедтер қатарына жатады. Оны тізгіндейтін тұлға жүргізуші болып саналады және жол қозғалысы ережелерін сақтауға міндетті. Электросамокаттарды басқару құқығы он алты жастан асқандарға ғана беріледі. Ол үшін жүргізуші куәлігін алудың қажеті жоқ», — деп мәлімдеді Алматы қалалық Полиция департаментінің баспасөз қызметінің мамандары.

Полицейлердің айтуынша, мопед (электросамокат) қозғалысына қатысты қосымша талаптар ҚР ЖҚЕ-нің 24-бөлімінде белгіленген, соған сай олар велосипедке арналған жолда не қозғалыс жолағында, ал ондай болмаған жағдайда жолдағы жүргін бөліктің бағыттық көлік құралдарына арналған жолақты қоса алғанда, оң жағымен жүруі тиіс.

Габаритные огни и фары должны быть у электросамокатов

Электросамокат жүргізушілеріне жаяу жүргіншілерге арналған жолақтан өтуге болмайды. Сонымен қатар, ең болмағанда бiр қолымен рөлді ұстамай жүруге, көлемiнiң ұзындығынан немесе енiнен 50 см артық шығып тұратын жүктердi немесе басқаруға кедергi келтiретiн жүктердi тасымалдауға, қатарында велосипед жолы болғанда жол бойымен қозғалуға, трамвай қозғалысы бар және осы бағытқа қозғалу үшiн бiр жол жолағынан артық болғанда солға бұрылуға немесе керi бұрылуға тыйым салынады. ҚР ЖҚЕ-нің 19-бөлімінің 1-тармағының 1-тармақшасына сай, Тәулiктiң қараңғы уақытында және жолдың жарықтандырылуына қарамастан жеткiлiксiз көрiну жағдайларында, сондай-ақ тоннельдерде габариттiк шамдар мен алыс және жақын жарық фарлары іске қосылуы тиіс.

Габаритные огни и фары должны быть у электросамокатов

Тәртіп сақшылары жаяу жүргіншілер мен басқа да жол қозғалысына қатысушылардың (велосипед, мопед және оларға теңестірілген көлік жүргізушілері) ережелерді бұзуы 2 АЕК (ҚР ӘҚБК-нің 1-бабының 1-бөлігі) көлемінде айыппұл салуға әкеп соғатынын атап өтті. Ал егер самокатшының жол ережесін бұзуы адам денсаулығына зиян келтірген болса, 10 АЕК көлеміне дейін айыппұл салынады.