Қазір Алматы көшелерінде төбесінде «Сергек» камерасы бар сегіз патрульдік көлік жүр. Құрылғы техникалық тексерістен өтпеген немесе сақтандыру полисі жоқ, айыппұл төлемеген және ұрланған, іздеуде жүрген не жалған нөмір таққан машиналарды анықтайды.
Алматы қаласы полиция департаменті Kolesa.kz редакциясына хабарлағандай, 2023 жылғы тамыздан бастап камера бұдан да көп ереже бұзу әрекетін анықтайды. «Сергектер» енді көлік жылдамдығын асырған, рұқсат етілмеген орынға машина қойған және жол ережесін елемей арнайы жолақпен жүргендерге айыппұл салады. Құрылғы барлық жол ережесін бұзу дерегін дереу әкімшілік істердің біріңғай реестріне жібереді. Полиция көлігіне орнатылған камера санын көбейту жоспарланып отыр.
Комментариев: 0