Полицияның мәліметінше жүйе кейінгі тәулікте қалада 790 жол ережесін бұзу дерегін анықтап, 12 млн 680 теңге айыппұл салды. Жабдықтың көмегімен жалған мемлекеттік нөмір таққан 11 машина анықталып, айыптұраққа қойылды. Сондай-ақ бір тәулікте 92 рет тәртіп бұзған Алматы тұрғыны ұсталды.
Sergek Group компаниясы Kolesa.kz редакциясына хабарлағандай, Sergek Qorgau қосымшасы Алматы мен Шымкенттегі полицейлердің планшетіне орнатылды. Басқа өңірлер жаңа өнімді әлі сынақтан өткізіп жатыр. Бағдарлама қала жолдарындағы «Сергек» кешенімен біріктірілген. Жүйе көлік легін бақылап, деректерді полиция операторына жібереді және полицейлерге сигнал береді.
Бағдарлама авторлары оның жалған нөмір таққан көлікті тауып, ІІМ деректер базасымен салыстырып, полиция экипажына сигнал беруге қабілетті екенін айтады. Бір тәулікте осындай 11 машина ұсталды. Ең қызығы Sergek Qorgau жолдағы жүргізушілердің тәртібіне талдау жасап, көлікті қауіпті жүргізген адамды анықтай алады. Мұндай азаматтармен полиция профилактикалық жұмыс жүргізеді.
Комментариев: 0