Биыл сәуірде елде 14 379 жеңіл автомобиль мен жеңіл коммерциялық техника сатылды. Қазақстан автобизнес қауымдастығы (ҚАБҚ) берген мәлімет бойынша бұл былтырғы нәтижемен салыстырғанда 53.6 %, ал наурызға қарағанда 5 % жоғары және 2023 жылғы үздік көрсеткіш.
Жалпы төрт айда автосалондар 51 673 машинаның кілтін тапсырып, 2022 жылғы сол кезеңмен салыстырғанда 62.8 % өсім көрсетті.
Наурызда Hyundai бірінші орынға шыққан, бұл жолы 4003 моделі өткен Chevrolet қайта көш бастады. Hyundai дилерлері 3608 машина сатты. Kia үшінші орыннан (2092) көрінді.
Төртінші орынға 708 автомобиль саудалаған Chery жайғасты. Ал Toyota салондарынан 622 машина шыққан. Жапон бренді былтырмен салыстырғанда 34.5 % төмен нәтиже көрсетті.
2023 жылғы сәуірдегі үздік 10 марка
| Орын | Марка | 2023 жылғы сәуірдегі сауда нәтижесі |
| 1 | Chevrolet | 4003 |
| 2 | Hyundai | 3608 |
| 3 | Kia | 2092 |
| 4 | Chery | 708 |
| 5 | Toyota | 622 |
| 6 | Haval | 425 |
| 7 | Changan | 414 |
| 8 | JAC | 395 |
| 9 | Lexus | 373 |
| 10 | Exeed | 282 |
Модельдер қатарында бізге жақсы таныс Chevrolet Cobalt (2828), Kia Sportage (1174) және Hyundai Tucson (999) биіктен көрінді. Десе де бұл қатарға жаңа модельдер қосылды. Мәселен, 687 данасы иесін тапқан Hyundai Bayon алтыншы орынға тұрақтаса, премиум сегменттің жалғыз өкілі Lexus RX (316) үздік 10 модель тізімін түйіндеді. Бұл кроссовердің бағасы наурыздың аяғында белгілі болған, өзі көкек айында нарыққа шықты.
Комментариев: 0