Қазақстан автобизнес қауымдастығы (ҚАБҚ) 2023 жылғы қаңтарда елде жүк көлігі мен автобусты қоса есептегенде 10 432 жаңа машина сатылғанын хабарлады. Бұл 2022 жылғы қаңтардағы көрсеткіштен екі жарым есе көп. Бірақ былтыр жыл басында елде тәртіпсіздік болып, автосалондар дұрыс жұмыс істей алмағанын айта кеткен жөн.
Өткен айда дилерлер 10 083 жеңіл автокөлік пен коммерциялық техника және 349 жүк көлігі мен автобус сатты.
Көп сатылған маркалар тізімінде әлі Chevrolet көш бастап тұр. Марка дилерлері 3203 машина саудалады. Екінші және үшінші орынға Hyundai (2237 дана) мен Kia (1723) жайғасты. Үздік бестікке бұлардан бөлек Chery (652) мен Toyota (603) енді.
2023 жылғы қаңтардағы үздік 10 марка
| Орын | Марка | 2023 жылғы қаңтардағы сатылым (дана) |
| 1 | Chevrolet | 3203 |
| 2 | Hyundai | 2237 |
| 3 | Kia | 1723 |
| 4 | Chery | 652 |
| 5 | Toyota | 603 |
| 6 | Haval | 370 |
| 7 | JAC | 227 |
| 8 | Exeed | 209 |
| 9 | Lexus | 192 |
| 10 | BMW | 140 |
Айта кетерлігі, ең көп сатылған он марканың төртеуі Қытай өнімі: Chery, Haval, JAC және Exeed. Жақында аспан асты елінен келген тағы бір марка үздіктер қатарына қосылуы мүмкін. Елге жаңа кірген Changan қаңтарда
Танымал модельдер тізімінде Chevrolet Cobalt өз орнын ешкімге берген жоқ. Бюджеттік седанмен бәсекеге түсе алатын машина табылмай тұр. Қаңтарда оның 2783 данасы өтті. Екінші және үшінші сатыға Hyundai Tucson (789 дана) мен Kia Sportage (550) ие болды. Ең көп сатылған модельдер тізіміне Қытайдың бір ғана өнімі енді. Chery Tiggo 7 Pro (384) төртінші орынға жайғасты.
Chevrolet Nexia 3 (278 дана) тоғызыншы сатыда тұр. Седан бұрын үнемі екінші орынға ие болатын. Бірақ модель конвейерден түсті, қазір салондарда қалған соңғы даналары саудаланып жатыр. «Нексияның» орнын заманауи Onix басады. Қолда бар ақпаратқа сенсек, седанның бағасы «Кобальттан» жоғары, Hyundai Accent-пен қарайлас болады. Біздің сайттан «Оникс» туралы видеошолуды көруге болады.
Комментариев: 0