Құрылысы 2021 жылдың сәуірінде басталған Сарандағы (Қарағанды облысы) шина зауытында сериялы өндіріс бірнеше айда іске қосылады. Бұл жобаны Ресейдің «Татнефть» ЖАҚ пен Қазақстандағы «Аллюр» Компаниялар Тобы бірлесіп жүзеге асырады.
Бұрын мұнда Kama және Viatti шиналары шығады деп болжанған. Дегенмен жаңа зауыт үшін арнайы жергілікті бренд жасалды. Attar деген атау елдің мәдениеті мен тарихына сәйкес келгендіктен таңдалыпты. Бренд логотипінде жылқының басы болады.
Сарандағы зауыт өнімдерін Қазақстанға ғана емес, экспортқа шығаруды жоспарлап отыр. Зауыттың 3 миллион жеңіл машина шинасын және 500 мың жүк көлік шинасын өндіруге мүмкіндігі бар. Attar биыл саудаға түсуі керек.
Жаңа брендке қай модельдер негіз болғаны әзірге белгісіз, өйткені «Татнефть» компаниясының ассортименті өте көп. Бүгінде компанияға Kama мен Viatti жасайтын өндіріс орны ғана емес, Ресейдегі бұрынғы Nokian зауыты, соның ішінде Nordman бренді тиесілі.
Сарандағы зауыттың жобасы 2020 жылы Қазақстанда шина өндірісінің жол картасына қол қоюдан бастау алған болатын. Құрылыс 2021 жылдың сәуірінде басталды, ал 2022 жылдың желтоқсанында зауыт іске қосылды.
Комментариев: 0