Биыл шілде айында Қазақстанның премьер-министрі Татарстанға іссапармен барғанда «Татнефть» ЖАҚ және «Аллюр» Компаниялар Тобы" АҚ біздің елде шина өндіру бойынша келісімге келді.
Primeminister.kz порталында жарияланған ақпаратқа сүйенсек, жуырда үкімет басшысының орынбасары Роман Скляр мен «Татнефть» ЖАҚ-ның бас директоры Наиль Маганов Қазақстанда машина жасауды дамытуға қатысу туралы келісімшартқа қол қойды.
Зауыт Қарағанды облысына қарасты Саран қаласында салынады деген болжам бар. Кәсіпорын жобасын кім жасайтыны белгілі, қазір сарапшылар жабдықтарға техникалық сараптама жасап жатыр.
Жоспар бойынша зауыт құрылысы 2022 жылы аяқталып, сол жылы алғашқы шинасын шығаруы тиіс. Кәсіпорынның өндірістік қуаты жыл сайын жеңіл машинаға арналған 3 млн шина мен коммерциялық техника мен автобустарға орнатылатын жарты миллионға жуық шина өндіруге жетеді.
Комментариев: 0