Falken шина маркасының иесі, жапониялық Sumitomo Rubber Industries (SRI) компаниясы жаңа өнертабысын таныстырды.
Компанияның жаңа технологиясы дөңгелек болты дұрыс бұралмағанын «сезе» алады. Шина жөндеген кезде болт дұрыс бұралмаса, көлік жүріп келе жатқанда дөңгелек шығып кетуі мүмкін, жаңа өнім осы қауіптің алдын алады. Бұл шындыққа жанаспайтын концепт емес, сериялы өндіріске дайын прототип. SRI оны машинаға биыл орнатуды жоспарлап отыр.
Жаңа технология Sensing Core кешенінің жалғасы әрі CAN арқылы борт электроникасына қосылған бағдарламалық жасақтама жинағы саналады. Ол сезгектер көрсеткішін талдау арқылы бос тұрған болт дірілі мен шинадағы өзгерісті анықтай алады әрі оны жүргізушіге ескертеді.
Sensing Core мұнымен тоқтамайды. Енді визуалды тексермей-ақ, шинаның тозған-тозбағанын анықтау технологиясы шығуы мүмкін.
Бұл опция керек деп ойлайсыз ба?
Комментариев: 0