Куәгерлердің айтуынша, Daewoo Nexia мен Lexus LX 470 Саин көшесімен оңтүстік бағытқа қарай қозғалып бара жатыпты, — деп хабарлайды Tengrinews.kz. Тізгінге әрең ие болып келе жатқан Daewoo жүргізушісі бір кезде жолдан тая бастайды. Оны көрген Lexus соққыдан қашпақ болып тежегішті басқанымен, автокөлікті тоқтатып үлгермепті. Соғылған көліктер тротуар арқылы арыққа бірақ түскен.
Lexus Daewoo Nexia көлігіне тіреліп барып, бір шетіне жантайып қалған. Біраз уақыттан кейін өтіп бара жатқан КамАЗ оны тұрғызуға көмектесіпті. Жүргізушілер тәртіп сақшыларын күтіп тұрған шақта Саин көшесімен оңтүстік бағытта қозғалып келе жатқан Lada 2114 көлігінің жүргізушісі апат болғанын байқап, тежегішті бірден басады, алайда жол тайғақ болғандықтан жеңіл көлік жол жиегіне соғылып, шалқасынан құлаған. Қуанышқа орай, зардап шеккендер жоқ.
Комментариев: 0