Жас жүргізуші мемлекеттік нөмірі жоқ «Гранта» мініп ереже бұзған сәтін әлеуметтік желіде жариялады. Ол қарсы бағытта жол жиегімен жүріп келе жатқанда, жолаушы салоннан видео түсіріп отырған. Оқиғаны көшеден тағы бір «оператор» смартфонға жазыпты.
Ескерту! Видеода балағат сөздер бар.
Алматы полициясы ереже бұзған азаматты анықтады, ол Түрксіб ауданының тұрғыны екен. Тәртіп сақшылары оның атына Әкімшілік кодекстің төрт бабы бойынша хаттама толтырды:
- 590-баптың 2-бөлігі, мемлекеттік нөмірі жоқ көлік жүргізгені үшін, айыппұл — 10 АЕК;
- 601-баптың 1-бөлігі, жол белгісі талабын сақтамағаны үшін, айыппұл — 3 АЕК;
- 606-баптың 1-бөлігі, жолда қауіпті жағдай жасағаны үшін, айыппұл — 10 АЕК;
- 596-баптың 1-бөлігі, жол ережесін елемей жол жиегінде көлік жүргізгені үшін, айыппұл — 15 АЕК.
Демек ол қарсы бағытта жүргені үшін жазаланған жоқ. Полиция неліктен бұзақы қарсы бағытта емес, тек жол жиегімен жүрді деп шешкені түсініксіз. Жауапсыз жүргізуші көлік басқару құқығынан айырылған жоқ, жалпы 38 АЕК (131 100 теңге) айыппұлмен құтылды.
Комментариев: 0