Automotive News қарт құрлықтағы Toyota Motor филиалының басшысы Мэтт Харрисонның сөзіне сүйеніп, осы жыл Lexus үшін өте ауыр болғанын жазды. Dataforce зерттеушілерінің дерегі бойынша марка көліктерінің Еуропадағы сатылымы биылғы тоғыз айда 28 % азайған.
Бұған бөлшек тапшылығы, UX кроссоверіне сұраныс төмендеуі, сонымен қатар жапон маркасының Ресейден кетуі себеп болды.
Топ-менеджердің айтуынша Lexus машиналарының 25 %-ы осы нарықта саудаланатын, ал NX, RX және LX модельдері бестселлер болды. «Ресей нарығының табыс көлеміне тигізген ықпалы сатылымға әсерінен әлдеқайда зор», — деп атап өтті Харрисон.
Дегенмен Lexus болашақтан зор үміт күтеді, келер жылы RX гибрид кроссовері мен RZ электромобилі үлкен табыс әкеледі деп сеніп отыр.
Комментариев: 0