Ресейдегі Hyundai зауыты кімге тиесілі

Hyundai Motor Group Ресейдегі өндіріс орындарының сатылғанын растайтын мәлімдеме жасады. Санкт-Петербург маңындағы зауыт Калугадағы Volkswagen зауытын сатып алған «Авилон» дилерлік холдингімен байланысты «Арт-Финанс» компаниясына өтеді. Мәміле әлі ресми түрде аяқталмады, бірақ кейбір мәлімет белгілі болды.

Hyundai мәміле шарттарды талқылау кезеңінде екенін хабарлады. Кореялық Chosun басылымының инсайдерлері зауыттың өз құны 280 миллиард воннан (шамамен 220 миллион доллар) асатыныны айтқан, бірақ ол небәрі 140 мың вонға (шамамен 10 мың рубль немесе 50 мың теңге) бағаланды. Сонымен қатар Hyundai екі жылға жарамды кері сатып алу құқығын сақтайды. Активтерді сатқаннан кейін брендтің жұмысы Ресейдегі машиналарға қызмет көрсетумен шектеледі.

Зауытты сатып алушы онда сақталған 70 мың машина жинағын осы екі жылда пайдаға жаратуы қажет. Олардан толыққанды автокөлік құрастырып, кез келген қытай маркасымен сатады, себебі «Арт-Финанс» Hyundai брендін пайдалана алмайды. Жоба аяқталғаннан кейін кореялық компания Ресей нарығына қайта оралуды жоспарлап отыр, әзірге зауыт сырттай басқаруға берілді.

2010 жылы ашылған зауыт жылына 200 мыңға жуық машина өндіреді. Ресей нарығына осы жерден Hyundai Solaris және Creta, сондай-ақ Kia Rio шыққан. Өткен жылдың наурыз айында зауыт жұмысы тоқтады, бірақ кейінірек Қазақстандағы Hyundai Accent үшін шанақ бөлшектерін шығарып жатыр деген ақпарат пайда болды. Сонымен қатар зауытты қазақстандық компания алуы мүмкін деген сыбыс тарады, бірақ Astana Group мұны жоққа шығарды.

Калугадағы Volkswagen зауытының иесі ауысқаны осы жылдың ортасында белгілі болды. Бұл кәсіпорын немен айналысатыны туралы әлі ресми ақпарат жоқ.