Ресейдегі бұрынғы GM зауыты қайта іске қосылды ма?

Ресейде тағы бір автомобиль зауыты жұмыс бастады. Бірақ ол жаңадан ашылған жоқ, Санкт-Петербург маңындағы Шушары қаласындағы бұрын General Motors иелік еткен мекеме қайта іске қосылды. Бұл туралы ТАСС агенттігі хабарлады.

Қолда бар ақпаратқа сүйенсек, зауыт Ресейде Chery концернінің бірнеше моделін — J6, J7 және J8-ді шығарады. Қазақстанда олар Jaecoo маркасымен сатылып жатыр.

Бірақ ғимараттың жаңа иесі «АГР Холдинг» Шушарыда Қытай кроссоверлерін құрастырады деген мәлімет жалған деді. «АГР Холдинг» өкілдері Autonews порталына мұндай мәлімдеме жасалмағанын әрі тараған қауесетке түсініктеме бермейтінін айтқан.

«АГР Холдинг» өз порталында Қытайда JELAND атты жаңа бренд нарыққа шықаннын хабарлады, бұл ТАСС таратқан ақпаратты жанама түрде растауы мүмкін. Жаңа марканың топтамасына қатысты ақпарат жоқ, бірақ логотипі Jaecoo эмблемасына өте ұқсайды.

Ресейдегі General Motors зауыты 2008 жылы ашылған, бірақ 2015 жылы америкалық концерн елден кеткен соң жабылып қалды. Бес жылдан кейін өндіріс орнын Hyundai алып, Tucson, Palisade және Kia Sportage модельдерін конвейерге қоюды жоспарлаған. Алайда 2022 жылы Ресей мен Украина арасында соғыс басталған соң кәсіпорынның жұмысы тағы тоқтады. Ал 2024 жылы Hyundai-нің өзге активтерімен бірге «АГР Холдинг» меншігіне өтті.