«Кама» компаниясы «Атом» электромобилінің жаңа сайтын іске қосты. Брондау бөлімінде алғашқы тапсырыс берушілерге арналған бағасы — 3.9 млн рубль (25.7 млн теңге) жазылған және оны мемлекеттік субсидия есебінен төмендетуге мүмкіндік бар. Қазір бұл ақпарат сайтта жоқ, бірақ беттің бастапқы кодына қарап табуға болады.
Ресей жергілікті өндірушілерден электрокар сатып алуға субсидия береді, көлікті несиеге алғандарға 925 мың рубль (6.1 млн теңге) жеңілдік бар. Сондықтан «Атомның» бағасы 2 975 000 рубль (19.6 млн теңге) түседі.
Компания жақында брондау бағдарламасына қатысқандарға «Атомның» нақты құнын хабарлайды. Алғашқы клиенттер шанағы әрленген автомобиль, арнайы кепілдік және сервис алады.
Компакт хетч 204 ат күші бар мотор және 77 киловатттық батареямен жабдықталады. Ол қуаттаусыз 500 шақырым жүреді, алғашқы жүздікті 8 секундта еңсереді. Модельдің басты артықшылығы — ортаңғы тірегі жоқ шанақ және цифрлық сервистердің көптігі. Сондықтан «Атом» оны гаджет көлік деп атады. Қарапайым модификациясынан бөлек, такси, каршеринг және жеткізу қызметіне арналған түрленімі шығады. Электромобиль «Москвич» зауытында конвейерге тұрады, марка қарашаның аяғында алғашқы серияға дейінгі нұсқасын жасады. Толық өндіріс қашан басталатыны белгісіз.
Комментариев: 0