Көрші елдегі жүк таситын компаниялар жүргізуші жоқ деп шағымданып жатқанын «Ведомости» жазды. Ірі логистикалық компанияның басшысы жалпы 60 мыңға жуық жүргізуші керек екенін айтып, бұл сұмдық жағдай деген.
Әсіресе, CЕ/E категориялы (жартылай тіркемесі бар үлкен жүк таситын көліктер) жүргізуші куәлігі бар адам табу қиын екен.
Топ-менеджердің айтуынша бұған Кеңес одағы ыдырап, автомектептердің күрт азаюы, ал жүргізуші мамандығын арнайы орта білім беру жүйесінен алып тастау себеп болған. Жастар ауыр техника тізгіндеуден қашады. Өйткені ол беделді саналмайды әрі тер төгуді қажет етеді. Алысқа қатынайтын жүргізуші уақытының көп бөлігін отбасынан жырақ, жол үстінде өткізеді.
Бұл мәселе Ұлыбритания мен Ақш-ты да айналып өткен жоқ. Бірақ олар шетелден адам тартып, жақсы айлық төлеу арқылы тығырықтан шыға алады. Ал Ресей компанияларына Орта Азия жақтан көмек күтуге тура келеді.
Комментариев: 0