2025 жылы ақпаннан бастап банктер мен микроқаржы ұйымдары қарызы көп тұрғындарға автонесие беруге мүмкіндік алған. Мұндай жеңілдік 2026 жылы 31 желтоқсанға дейін берілген. Енді Ұлттық банк оның мерзімін ұзартамыз деп шешті.
Реттеуші органның мәліметінше 2027 жылы 31 желтоқсанға дейін мынадай несие алғанда коэффициент саналмайды:
- су жаңа және Қазақстанда алғаш тіркелетін көлік құралын алғанда;
- 30 % мөлшерінде алғашқы жарна төлеп, шыққанына үш жыл толмаған автомобиль алғанда;
- 50 % мөлшерінде алғашқы жарна төлеп, шыққанына үш жылдан асқан автомобиль алғанда.
Мұндағы басты шарт — машинаны несиеге кепіл ретінде қою.
Ұлттық банк нарықтағы жағдайды зерттеген соң осындай шешім қабылданғанын хабарлады.