Ресейде жасыл және көгілдір түсті нөмір болуы мүмкін

Әдетте адамдар көгілдір түсті «жасыл реңкі басым ашық көк түс» деп сипаттайды, мұндай түс Mercedes-Benz компаниясының бастамасымен пилотсыз техниканың халықаралық түсіне айналып келеді. Жақында Ұлттық автомобиль одағының вице-президенті Антон Шапарин Ресейде пилотсыз машиналарға көгілдір түсті нөмір тағуды ұсынды деп хабарлады ТАСС.

1 / 5

• 
• 
• 
• 
• 

Mercedes-Benz Drive Pilot жүйесі бар автомобильдеріне көгілдір түсті күндізгі жүріс шамын орнатуды жөн көріп, Германия билігінен рұқсат алған.

1 / 5

Mercedes-Benz Drive Pilot жүйесі бар автомобильдеріне көгілдір түсті күндізгі жүріс шамын орнатуды жөн көріп, Германия билігінен рұқсат алған.

Бастама авторының айтуынша бұл үшін көлік құралын тіркеу туралы заңға өзгеріс енгізу қажет. Сонда жол қозғалысының өзге қатысушылары маңында робот басқарған машина келе жатқанын байқап, ерекше мұқият болады.

Шапарин электромобильге жасыл нөмір тағуды ұсынды. Ол бұл шешім құқық қорғау органдары үшін қолайлы деп санайды, өйткені мұндай машиналар ақылы тұрақ пен ақылы жолда жеңілдікке ие.

1 / 8

• 
• 
• 
• 
• 
• 
• 
• 

Экологиялық таза көлік құралына арнайы нөмір берген елдер бұған дейін де болған. Мысалы, Қытайда мұндай машинаға жасыл нөмір тағады, Өзбекстан 2021 жылдан бастап осындай тәжірибеге көшті

1 / 8

Көгілдір реңкті таңдаудың өз себебі бар, бұл түс стандарт бағдаршамда кездеспейді, алыстан жақсы көрінеді және психофизиологиялық қабылдау тұрғысынан сынақтан сәтті өткен.