Ресейдің КАМАЗ, ГАЗ, «Соллерс» сияқты автоөндірушілері РФ Өнеркәсіп және сауда министрлігіне хат жазып, импорт автомобильден алынатын утиль алымды есептеу ережесін өзгертуді және жеке тұлғаның жеңілдікпен машина әкелуіне тыйым салуды сұрады. Бұл туралы «Газета.Ru» хабарлады.
Ірі бизнес өкілдері сұр дилерлер Қытайдан машина әкеліп, жеке тұлғалардың атына жеңілдікпен тіркеп жатқанына наразы. 2024 жылы мұндай машинаның ай сайынғы импорттағы үлесі 31–50 % болса, биыл бұл көрсеткіш
Оның үстіне, Қытайдан жеткен машиналардың басым бөлігі шағын турбомотормен жабдықталған немесе гибрид болғандықтан, утиль алымының сомасы бірдей болып отыр.
Наразы топ өкілдері мысал ретінде 1.85ммлн рубль тұратын Changan Alsvin седаны мен 8 млн рубль тұратын BMW X3 кроссовері үшін бірдей утиль алым төленетінін айтты, өйткені екеуінің де қозғалтқыш көлемі 2 литрден аспайды. Отандық автоөндірушілер осыны алға тартып, утиль алымын есептеу әдісін қатаңдатуды сұрады. Олар соманы мотордың көлеміне емес, қуатына қарай есептеу қажет деп санайды.
Басылым үкімет ұсынысты қолдаса, жеке тұлғалар заңды тұлғалар сияқты қомақты утиль алым төлеуге мәжбүр болады деп жазды.
Сарапшылар баға өсімі кемінде жүздеген мың рубль болады, тіпті кей модель үшін бірнеше млн рубльге жуықтайды деді. «Автомаркетолог» агенттігі 2.5–3 млн рубль тұратын машина бағасы 15–22 % өсетінін, қазір 4–5 млн рубльге сатылатын модельдер 30–40 % қымбаттайтынын айтты.
Комментариев: 0