Бразилиялық екінші буындағы Duster әлемнің өзге елдеріндегі нұсқамен бірдей. Жалғыз айырмашылық қауіпсіздік жүйесінде ғана. Атап айтқанда, модельдің ең арзан нұсқасында тұрақтандыру жүйесі мен екі алдыңғы қауіпсіздік жастығы ғана бар. Модельдің Еуропада сатылатын Румынияда өндірілген нұсқасы әлдеқайда толық жабдықталған, алты жастығы бар. Ол EuroNCAP өткізген краш-тестте бес жұлдыздың төртеуіне ие болған.
Бірақ Renault Duster-дің сынақтан өте алмай қалуы қауіпсіздік жастығының санына байланысты емес. Latin NCAP жүргізген сынақта машина 64 км/сағ жылдамдықпен бетпе-бет және 50 км/сағ жылдамдықпен қозғалып келе жатқан тіркемеге бүйірімен соғылды. Көліктің әсіресе бүйірден келген соққыға төсімсіз екені анықталды, есіктер ашылып кетті. Ал бетпе-бет соққыдан кейін «Дастерден» бензин аққаны байқалды, бұл шынайы жағдайда өрт шығуына себеп болуы мүмкін.
Жүргізуші мен ересек жолаушыларды қорғау деңгейі де төмен: көлік мүмкін болған 100 ұпайдың 29 %-ын алды. Ал балаларды қорғау деңгейі — 23%, жаяу жүргіншілер қауіпсіздігі — 51%, жол апатының алдын алу — 35%. Оның үстіне арт жақтан соққанда алдыңғы орындықтардың мойынды қорғау мүмкіндігі нашар екені анықталды.
Нәтижесінде кроссовер ешқандай жұлдызға ие бола алмады. Latin NCAP франциялық компаниядан қайғылы жағдайлардың алдын алу үшін «дастерлерді» қайтарып алып, есік құлпы мен бензин багының құрылымын өзгертуді сұрады.
Комментариев: 0