Раритет болид трейлерімен бірге аукционға қатысты

Collecting Cars аукционында ерекше лот — Brabham командасы мінген формула болиді мен оны тасыған жүк көлігі қатысқан бәссауда мәресіне жетті. Екеуі де 1960 жылдардың басында жарық көрген. Өте әдемі әрі сирек кездесетін жұп үшін қанша сұралғаны белгісіз, бірақ алатын адам табылмапты. Жұрт ұсынған ақша раритет иесінің көңілінен шықпаған сияқты.

Brabham командасын 1960 жылы Джек Брэбем құрған. Оның мақсаты жарысқа қатысу емес, өзі жасаған спорттық көліктерді жарнамалау еді. Таңдалған стратегия сәтті болып, сол жылдары Brabham ашық дөңгелекті жарыс машиналарын жасайтын ең ірі өндірушіге айналды. Тағы бір қызық жайт, Джек Брэбем өз атын алған автомобильмен әлем чемпионатында топ жарған жалғыз спортшы саналады.

1 / 9

• 
• 
• 
• 
• 
• 
• 
• 
• 

1 / 9

BT14 шассиі сол заманда танымал болған Formula Libre-ге қатысу үшін жасалды. Brabham жалпы он машина құрастырған. Аукционға шыққан көлік 1965 жылы жарық көрген, ол түрлі шабандоздың тізгінінде бірнеше жарыста бой көрсетті. Иесі ауысқан сайын моторы да өзгере беріпті.

1 / 21

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 21

Brabham шеберханасынан 1.6 литрлік Ford қозғалтқышымен шыққан спорткар әр жылдары америкалық V8-бен де, еуропалық турбомоторлармен де жүріп көрді. 1969 жылы мамандар машинаны BT21-ге дейін жақсартты.

2000 жылы күрделі реставрациядан өтіп, Hewland қорабымен жұптасқан 3.9 литрлік (450 а.к.) Buick агрегатын иеленген ардагер өзі қатарлы көліктермен бірге жарыс жолында өнер көрсетті. 2021 жылы болид тағы бір реставрациядан өтті.

1 / 21

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 21

Спорткармен бірге сатылатын автотасығыш туралы ақпарат аз. 1962 жылғы Ford Thames Trader Transporter жүк көлігі жарыс шассиін тасуға бейімделген. Болид екеуін бірдей алтын түстес акценті бар British Racing Green деп аталатын жасыл түске бояпты. Борт нөмірі де тура сондай. Бұл автомобиль де біраз шебердің қолынан өтті. Иесі оның рең-басын түзеу үшін 70 мың франк (37 млн теңгеден асады) жұмсаған екен.