Алматы әкімдігі биыл желтоқсанда қаладағы көлік қатынасын дамыту жоспарын бекітеді. Мегаполис әкімі Ерболат Досаев 2024 жылы Райымбек даңғылында сынақ ретінде BRT дәлізі салынатынын хабарлады. Ал 2025–2026 жылдары BRT желісінің саны онға жетіп, қаланың батысынан орталыққа дейін ұзындығы 26 шақырым болатын алғашқы LRT жүрдек трамвай жолы іске қосылады.
Әкімнің айтуынша автобустан автобусқа тегін ауысуға мүмкіндік беретін жаңа тариф енгізу жоспарланып отыр,
Сондай-ақ әкім қала маңындағы ауылдарда тұратын тұрғындардың жүріп-тұруына қолайлы болу үшін биыл қыркүйекте жаңадан 10 бағыт ашылатынын айтты, соның арқасында облыстағы 25 елді мекен мен 60 мың тұрғын қоғамдық көлікпен қамтылады. Ал 2024 жылы қала маңына қатынайтын 20 бағыт іске қосылады.
«Ауылдарды қалалық қоғамдық көлікпен біріктіріп, қалаға кіретін автомобиль легіне тосқауыл қою мақсатында үш көлік торабы бойынша жобалық-сметалық құжат әзірленіп жатыр. Соның арқасында 2026 жылға қарай қалаға кіретін автомобиль саны 120 мыңға қысқарады», — деді Е.Досаев.
Алматыда бес жыл бұрын салынған BRT желісі стандартқа сай келмейтіні белгілі болды, оған жүргізушілер ғана емес, жол маңында тұратын тұрғындар да наразы болып отыр.
Былтыр күзде қала билігі BRT жолағын көшіруге бел буған. Бірақ биыл көктемде жүргізушілердің өтініші бойынша жүрдек автобус жолағы өзгеріссіз қалатынын хабарлады.
Комментариев: 0