Қала билігі 2024 жылы Райымбек даңғылында сынақ ретінде BRT дәлізін сала бастайды. Tengrinews.kz хабарлағандай, әкімдік Өтеген батырдан Әуезовке дейін және Сейфуллиннен Пушкинге дейін жол ортасына жүрдек автобус желісін салуды жоспарлап отыр. Ал Әуезов пен Сейфуллин арасында әдеттегі қоғамдық көлікке арналған жолақ болады. Кейін BRT желісі «Барлық» базары мен Жангелдин көшесіне дейін ұзарып, жалпы ұзындығы 17 шақырымға жетеді.
Шенділер BRT жолағы мегаполис тұрғындарының барар жеріне бір желі бойымен жылдам жетуіне мүмкіндік беретінін айтты, жолақ метро принципі бойынша жұмыс істейді. Сондай-ақ мамандар схемада Райымбек бойындағы қиылыстарда жеке көліктердің кедергісіз өтуіне мүмкіндік қарастырған.
Әкімдік автобусқа арнайы жолақ салған соң даңғылдың Бөкейхановтан Төретай көшесіне дейінгі аралығы сияқты тар жерлерінде көлік қозғалысын қалай реттейтінін айтқан жоқ.
Алматыда бес жыл бұрын салынған жүрдек автобус желісі стандартқа сай келмейтіні белгілі болды, оған жүргізушілер ғана емес, жол маңында тұратын тұрғындар да наразы болып отыр.
Комментариев: 0