Қытайға арналған электрлі Audi-дің сипаттамасы белгілі болды

Қытайда сертификат кезеңі аясында Audi E концептісінің сериялы нұсқасы Audi E5 Sportback-тің алғашқы техникалық деталі анықталды. Марка модельді төрт түрлі электромотормен жабдықтаған, жүріс қоры 770 шақырымға жетеді. Audi мен SAIC ұсынған жаңа электрокар биыл жазда саудаға шығады.

Бес есікті модельдің өлшемі біршама үлкен — 4870×1990×1460 мм, дөңгелек базасы — 2950 мм. Сертификат деректеріне сәйкес Audi E5 Sportback-тің күштік құрылымы 299, 408, 525 және 787 ат күшін береді. Үздік түрленімнің ғана жүріс қоры мәлім — 770 км. Бұл ақпаратты Шанхай автосалонында Audi мен SAIC бірлескен кәсіпорнының өкілдері айтқан. E5-тің ең қуатты нұсқасы алғашқы жүздікті 3.4 секундта еңсереді, ең жоғары жылдамдығы — 205 км/сағ.

Электрокар SAIC Power Battery жасаған никель-марганец-кобальт батареямен жүреді. Аккумуляторды 10 минутта 370 км-ге жететіндей мөлшерде қуаттауға болады.

1 / 11

• 
• 
• 
• 
• 
• 
• 
• 
• 
• 
• 

1 / 11

Электромоторды SAIC-тің еншілес фирмасы Huayu Automotive Electric Systems шығарады. Базалық қозғалтқышты Bosch пен қытайлық Zhonglian Automotive Electronics бірлескен кәсіпорны өндіреді. E5 Шанхайдағы SAIC Volkswagen зауытында жасалады.

1 / 6

• 
• 
• 
• 
• 
• 

1 / 6

Машина локализациясы VW брендінің «Қытайда Қытай үшін» деп аталатын жаңа стратегиясына сай келеді. Ол бойынша жаңа өнім жергілікті клиенттердің көңілінен шығуы қажет. Audi Қытайда шығатын электоркарларына дәстүрлі төрт сақина логотипін емес, үлкен AUDI белгісін орнатады. Жаңа өнімнің жабдықтар тізіміне бейімді аспа, басқарылатын артқы дөңгелек және лидары бар фирмалық «автопилот» кіреді. Бағасын машина саудаға шығатын кезде білеміз.