Dongfeng және Nissan бірлескен кәсіпорны Pathfinder-дің Қытайда саудаға түсетін нұсқасын сата бастады. Оны былтыр күзде таныстырған. Кроссовер жаһандық нұқасынан ірілеу, дизайны басқа және моторы бөлек. Бренд модельдің үш комплектациясын ұсынады.
Мамандар автомобильдің алдыңғы бөлігін басқаша әрлеп, ерекше оптика, жаңа бампер мен радиатор торын орнатты. Одан бөлек артқы тіреулері мен шамдары өзгерді. Яғни, аспан асты еліндегі Pathfinder басқларға ұқсамайды. Интерьері де өзгеше. Салонда ірі ортаңғы тоннель сақталғанмен, екі үлкен дисплейден тұратын жаңа алдыңғы панель пайда болды.
Nissan Pathfinder-дің өлшемі — 5130×1981×1767 мм, демек, біз білетін түрінен 130 мм ұзын, бірақ дөңгелек базасы бұрынғы, 2.9 м күйінде қалды. Марка кроссовердің екінші қатарында бүтін диван не жеке-жеке креслолар тұратын үш орынды нұсқасын ғана сатады.
Машина 252 ат күші мен 376 Нм момент беретін 2 литрлік турбомотормен жүреді. Көлікті алғаш көрсеткенде марка өкілдері вариатор қолданамыз деген еді. Алайда агрегат 9 сатылы ZF автоматымен жұптасатыны белгілі болды. Pathfinder-дің моно жәе толық жетекті түрлері болады.
Ірі Nissan-ның ең қымбат нұсқасын қытайлар 259 800 юаньға (16 млн теңге) алады.
Былтыр қазан айында Nissan Қазақстанға ресми түрде оралады деген хабар тараған. Жоспар бойынша марка өнімдері 2024 жылдың II тоқсанында шығуы керек. Ресейге қатысты санкцияны біздің елді шартты түрде таяу шығысқа қосу арқылы айналып өтуге болады екен. Бірақ брендтің ресми сайтында Қазақстан әзірше Еуропа елдерімен бір қатарда тұр.
Комментариев: 0