2030 жылға қарай әлемдік нарықтың үштен бірін Қытай жаулайды

31 тамызда Швейцарияның жетекші банкі UBS Group сарапшылары өз есебінде Қытай автомобиль өндірісінің даму қарқыны мен қазіргі деңгейіне сүйеніп, оның 2030 жылға дейінгі дамуына қатысты болжам жасады.

Automotive News аталған баяндамадан үзінді келтірді. Ол жерде 2022 жылы жаһандық масштабта 81 % үлесі болған батыс концерндерінің көрсеткіші 2030 жылы 58 %-ке төмендейді деп жазылған. Ал Қытай брендтерінің үлесі керісінше, 17 %-тен 33 %-ке дейін өседі.

Швейцариялықтар батыс автоөндірушілерінің ішінде Tesla-ға ғана оптимистік болжам жасады. 2030 жылға қарай оның нарықтағы үлесі 2 %-тен 8 %-ке артып, сату көлемі бойынша үздік үштікке енеді.

1 / 11

• 
• 
• 
• 
• 
• 
• 
• 
• 
• 
• 

BYD Seal

BYD Seal

BYD Seal

BYD Seal

BYD Seal

BYD Seal

BYD Seal

BYD Seal

BYD Seal

BYD Seal

BYD Seal

1 / 11

UBS Қытай компанияларының арасында BYD-дің астын сызып, онжылдықтың аяғында бұл фирманың автомобиль нарығындағы үлесі екі есе артады деді. Сарапшылар су жаңа BYD Seal бөлшектерінің төрттен үші өз отанында жасалғанын анықтаған. Бұл өндірушіге жеткізу тізбегін толық бақылауға мүмкіндік береді. Сонымен қатар BYD-дің Тesla Model 3-тен — 15 %, ал VW ID3-тен 30 % арзан екені де оған үлкен басымдық береді.

Банкирлер өз есебін жариялағаннан кейін Volkswagen мен Renault-ның Қытай автоөндірушілерімен және Tesla-мен бақталаса алмай жатқанын айтып, екі концерннің рейтингін бірден төмендетті.