Қытай нарығында BYD мен Tesla көш бастады

2023 жылғы үш тоқсан нәтижесі бойынша аспан асты елінде жаңа көлік саудасы 2.4 % өсті. Брендтер арасында BYD алда келеді, дегенмен ең танымал модель — Tesla өнімі.

BYD саудасы қызып, жылдан жылға 55 % өсім көрсетті, марка 1.8 млн автомобиль сатқан. Бұл концернге Volkswagen мен Toyota-ны басып озуға мүмкіндік берді. Қытайда үздік ондыққа 6 шетел маркасы кірді, бірақ BMW мен Audi-ден басқасының күйі қашқан. Әсіресе Nissan-ның саудасы нашар (-26 %). «Хонданың» да жағдайы оңып тұрғаны шамалы (-20 %).

Электрлі көліктерге келер болсақ, олар Қытай нарығының 34 %-ын құрады. Бұл сегментте де 894 мың электромобилін өткізген BYD жеңімпаз атанды. Екінші қатарға жайғасқан Tesla 433.7 көлііктің кілтін тапсырса, үшінші орынға тұрақтаған Aion 356 мың моделін сатты. Ал аспан астын елінде ең көп өткен модель — Tesla Model Y (320 мың). Үздік үш модель тізімінде BYD брендіне тиесілі Qin Plus пен Song Plus бар.

Қытай Өнеркәсіп министрлігі таратқан мәлімет бойынша үш тоқсан ішінде 3.38 млн автомобиль шетел асты. Бұл былтырғы нәтижемен салыстырғанда 60 % көп. Қыркүйекте жергілікті автоөндірушілер 444 мың автомобиль экспорттаған, оның 96 мыңы электрокар және гибрид модельдер. Қытай өнімдерінің басым бөлігін Ресей алыпты, қаңтар мен тамыз аралығында теріскейдегі көршімізге 544 мың көлік жол тартқан. Бұл жалпы экспорт көлемінің 17 %-ын құрады.