Қытайда қуатты Zeekr саудаға шықты

Geely концернінің құрамындағы Zeekr 001 FR электрокарын саудалай бастады. Оның басты құндылығы — 1265 ат күшін беретін төрт электромоторы. Осылайша бағасы 769 мың юаньннан (50 млн теңге) басталатын Zeekr 001 FR Geely холдингінің ең қуатты әрі қымбат моделі атанды.

1 / 8

• 
• 
• 
• 
• 
• 
• 
• 

1 / 8

Бес есікті машина алғашқы жүздікті 2.37 секундта еңсереді. Жоғары жылдамдығы — 280 км/сағ. Ал 100 кВт·сағаттық батарея CLTC циклы бойынша 550 км жол жүруге мүмкіндік береді.

Қосымша жабдықтар қатарында ерекше бапталған аспа және алдыңғы осьте 10 поршенді, артқы осьте 4 поршенді AP Racing суппорт орнатқан тежеуіштер бар. Олар көміртек-керамикалық Brembo дискілерімен бірге жұмыс істейді. Одан бөлек 001 FR-ге 22 дюймдік дөңгелек дискілерін және карбоннан жасалған аэродинамикалық бастырық ортнатқан. Лифтбек 1.4 G-ге дейінгі бүйірлік жүктемелерге шыдас береді деп болжанған.

Zeekr 001 FR басқа электрлі суперкарлардан жоғары тиімділігімен ерекшеленеді. Ұзындығы бес метр, ал дөңгелек базасы үш метр көлікке бес адам сыяды.

1 / 6

• 
• 
• 
• 
• 
• 

1 / 6

Бірнеше күн бұрын Zeekr бренді Формула-1-дің атақты шабандозы Кими Райкконенмен келісімшартқа қол қойғаны белгілі болды. Ол «спорткар жөніндегі кеңесші» болып тағайындалды. Бұл ынтымақтастықтың алғашқы нәтижесі — 001 FR күштік құрылымының айрықша экстремал жұмыс режимі. Оны іске қосқанда моторлардың қуаты 1300 ат күшіне жетеді

Сымсыз жаңарту арқылы сынақтан өткеннен кейін қолжетімді болатын «Райкконен режимін» алу үшін 60 мың юань қосымша ақша төлейсіз. Автомобильді осы режимге спортшы баптап береді. Алғашқы 99 көлікті де иесіне өзі тапсырады деген сыбыс бар. Алдын ала тапсырыс қабылдау басталған кезде клиенттер көлікті 15 секундта талап алған. Ол кезде бағасы да белгісіз болыпты.