Қытайда 4.6 млн теңге тұратын кроссовер саудаға шықты

Қытайда SAIC-GM-Wuling бірлескен кәсіпорны шығаратын арзан Wuling Starlight 560 кроссовері сатыла бастады.

Wuling Starlight 560-тың ұзындығы — 4745 мм, дөңгелек базасы — 2819 мм. Автомобильдің бес және жеті орынды нұсқасы бар. Жүксалғыш көлемі — 320-1945 литр.

Базалық түрленім 177 ат күшіне ие (290 Нм) 1.5 литрлік турбомотормен жүреді. Ол 6 сатылы механикамен немесе вариатормен жұптаса жұмыс істейді. Гибридте дәстүрлі мотор 106 ат күшін береді, электрлі агрегаттың қуаты 197 ат күшіне (230 Нм) тең. Мұндай машина 125 шақырым еңсереді, толық жүріс қоры 1100 км-ге жетеді.

Толық электрлі модификацияның күштік құрылымы 136 ат күшін (200 Нм) береді. Батареясына байланысты (54.5 және 56.7 кВт·сағ) электромобиль қуаттаусыз 450 немесе 500 км жүріп өтеді.

Қытайда Wuling Starlight 560-тың бағасы 62.8 мың юаньнан (4.6 млн теңге) басталады. Қазақстанда салондағы ең арзан көлік саналатын карбюраторлы Chevrolet Damas 5.5 млн теңге тұрады.