Роскачество жергілікті нарықта сатылатын жеңіл көліктерге арналған он шинаға қатысты зерттеу нәтижесін жариялады. Сынаққа Қытайда және Ресейде жасалатын модельдер қатысты. Аспан асты елі шығаратын барлық өнімнің құрамында денсаулық пен қоршаған ортаға қауіпті канцерогенді көп циклді иісті көмірсутектің мөлшері жоғары.
Көпциклді иісті көмірсутектер, оның ішінде бензапирен — улы әрі канцерогенді зат. Ол денсаулыққа зиян. Реттеуші орган өндірісте қолданылатын сапасы төмен техникалық майлардың салдарынан резеңке құрамында осындай канцерогендер болуы мүмкін дейді. Шина тозғанда қоқымы жол жиегіне жиналып, су қоймаларына ағып, атмосфераға шығады. Қауіпті шинаны қайта өңдеген соң алынатын резеңке үгіндісі балалар алаңын салуға немесе жол жабыны ретінде қолданылады.
Роскачество мен химиялық зертхана сынақтан өткен өнімдердің резеңке қоспасындағы көмірсутек деңгейін тексерген. Олар шиналарды көлік иелері қолданатын маркетплейстерден алыпты. Қытайда жасалатын барлық шинада қауіпті заттардың мөлшері рұқсат етілген деңгейден 3.2-7.7 есе жоғары. Сынаққа Sunfull, HiFly, MIRAGE, Kustone, GoForm және Ovation маркалары қатысқан. Ал Ресейде жасалатын Pirelli, «Кама», Ikon Tyres және Cordiant өнімдері нормаға сай екен.
Ресей билігі 2026 жылы енетін экоалым арқылы қауіпті шинамен күреспекші. Бұл шара шетелдік өндірушілерді экологияға зияны жоқ тауар шығаруға ынталандырады.
Шенділер биыл қыркүйекте қолданысқа енген экоалым көлік иелері мен адал бизнеске әсер етпейтінін атап өтті.
далбаса