Қытай нарығына арналған ерекше Hyundai қанша тұрады?

Биыл сәуірде Hyundai Қытай нарығына арнап, жергілікті мамандармен бірге жасаған алғашқы сериялы Ioniq моделін таныстырды. Электромобильдің атауында V әрпі болады әрі футуристік сұлбасымен ерекшеленеді. Жаңа өнім Қытайда 2027 жылы саудаға шығады деп жоспарланған, бірақ компания қазір машинаға алдын ала тапсырыс қабылдап жатыр, бағасын да жариялады.

1 / 10

• 
• 
• 
• 
• 
• 
• 
• 
• 
• 

1 / 10

Батареялы Ioniq V моделінің ең қарапайым нұсқасы 119 900 юань (8.2 млн теңге) тұрады. Салыстыру үшін айтсақ, Қазақстанда Hyundai-нің қолжетімді моделі — Elantra-ның бағасы 8.9 млн теңгеден басталады. Ал Қытайда Ioniq V-дің ең қымбат нұсқасын 139 900 юаньға (9.6 млн теңге) алуға болады.

1 / 10

• 
• 
• 
• 
• 
• 
• 
• 
• 
• 

1 / 10

Айта кетейік, Ioniq V-дің ұзындығы — 4.9 метр, дөңгелек базасы — 2.9 метр. Автомобиль 190 немесе 228 ат күшіне ие бір моторлы күштік құрылыммен жүреді. Қозғалтқыштар 53.5 немесе 66.8 киловаттық LFP-батареясынан қуат алады, машинаның жүріс қоры нұсқасына байланысты 520–650 шақырым болады. Салонда 27 дюймдік үлкен медиакешен экраны назар аудартады, жүргізушінің алдында проекциялық дисплей орналасқан. Сондай-ақ модельде озық ЖИ-ассистент бар, ал электронды көмекшілер кешенін жергілікті Momenta компаниясы әзірлеген.