Ioniq V: өзгеше шанақ пен жылдам автопилот

Hyundai концерні электрлі суббрендтер топтамасын кеңейтіп жатыр. Бейжің автосалонында шағын Ioniq 3 моделінен кейін үлкендеу Ioniq V дебют жасады. Оның өлшемі — 4900 × 1890 × 1470 мм, дөңгелек базасы — 2900 мм.

Марка машина атауындағы римдік «бесті» кездейсоқ таңдамаған. Ioniq V — Қазақстанда бұрыннан белгілі Ioniq 5 емес, Қытайда жасалып, сол елде ғана сатылатын жеке модель. Автомобильдің эклектикалық дизайны Lamborghini, Cybertruck және Prius модельдерін еске салады. Жаңа өнім CATL аккумуляторы бар 800 вольтты E-GMP платформасына негізделген, көліктің жүріс қоры 600 шақырымнан асады.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Салонда үлкен әрі ұзын мультимедиа экраны назар аудартады, оны жүргізуші мен алдыңғы жолаушы ортақ пайдаланады. Ал аспаптар панелі рөл бағанындағы шағын жолақта орналасқан. Ортаңғы тоннель сатылы етіп жасалған, онда екі смартфон сыятын сымсыз қуаттау орны бар.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Qualcomm Snapdragon Ride чипімен жұмыс істейтін Momenta Mpilot автономды жүргізу жүйесін ерекше атап өткен жөн. Жүйе өздігінен үйреніп, жол жағдайының өзгерісіне жылдам бейімделеді. Mpilot дәлдігі жоғары картаны пайдаланбай-ақ, визуал дерек пен сезгек көмегіне сүйене отырып, қала көшелерінде жұмыс істей алады.

Hyundai Ioniq V саудаға 2027 жылдың бірінші жартысында шығады. Beijing Hyundai компаниясы комплектациясы мен нақты бағасын биыл жыл аяғында, модельге алдын ала тапсырыс қабылдай бастаған кезде жариялайды.