Қытай көліктерінің сапасы артты

Танымал J.D. Power агенттігі Қытай нарығындағы жаңа автомобильдердің сапа рейтингін жариялады. Сарапшылар соңғы екі жылда жергілікті автоөндірушілер шығарған көліктерде ақау саны біртіндеп азайып келе жатыр деген қорытынды жасады. Тізімде Chery, Geely және GAC Trumpchi брендтері алға шықты.

Агенттік рейтингті бір автомобильдің 100 данасына шаққандағы проблема саны бойынша есептеді. Жалпы алғанда Қытай нарығына қатысты бұл көрсеткіш нашарлады. Қазір орташа мән 212-ге тең және былтырмен салыстырғанда 8 ұпайға өскен. Премиум сегмент екі жылда 21 ұпай жинап, 213-ке жетті. Жергілікті өндірушілер өнім сапасын арттырғандықтан, нәтижесі 10 ұпайға төмендеді. Қытай нарығындағы үш ірі топта (отандық, шетелдік және премиум брендтер) жергілікті компаниялардың көрсеткіші 216 ұпайды құрап, ең жоғары болды.

Қытай брендтерінің рейтингінде сегіз компанияның көрсеткіші орташа деңгейден жоғары. Олардың қатарына Chery, Geely, GAC Trumpchi, Changan, Jetour, Exeed, MG және Dongfeng кірді. Тізімнің соңында FAW Besturn, Haval және Venucia тұр. Жергілікті модельдер арасында MG 5, Changan CS35 Plus және Uni-T, Geely Coolray және Atlas, Chery Tiggo 7 Plus және Exeed RX көзге түсті, бірақ кейбір сегментте шетелдік аналогтар алдыңғы орыннан көрінді.

J.D. Power рейтінгіне сәйкес сапасы жоғары маркалар

Қытайда сатылатын премиум брендтердің ішінде Porsche, Lexus және Cadillac автомобильдерінде ақау аз болды, ал ең көп кемшілік Audi, Mercedes-Benz және Lincoln көліктерінен табылды. Жалпы сегментте Honda (GAC және Dongfeng серіктестігі) және GAC-Toyota бірлескен кәсіпорындары сапа бойынша көш бастады.

Сарапшылар климаттық жүйе мен орындыққа қатысты шағым көбейгенін атап өтті. Артқы көрініс камерасының да мәселесі көп екен. Іштен жанатын қозғалтқыш пен трансмиссия ерлерге қарағанда әйелдерге қиындық туғызған.