Қырғызстан билігі көлік салығынан бас тарту туралы шешім қабылдады. Тиісті қаулыға Садыр Жапаров қол қойған. Бұл шара 2025 жылдың 1 қаңтарында күшіне енген «Жол қоры» туралы заңмен байланысты екен, ол бойынша бензин мен дизельдің әр литрінен бір сом алынады.
Қаулы мәтініне сәйкес министрлер кабинеті екі ай ішінде көлік салығының күшін жоятын түзетулер жобасын дайындауы керек. Одан бөлек мемлекет басшысы 1 қаңтарға дейін көлік салығын төлемеген азаматтарды төлемнен босатуды тапсырды, бірақ ол үшін тұрғыннан ақша өндіріп алу туралы сот актісі болмауға тиіс.
Анықтама ретінде: Қырғызстанда көлік салығының мөлшері қозғалтқыш көлеміне ғана емес, автомобильдің жасына да байланысты. Мысалы, 2.5 литрлік моторы бар, 5 жыл бұрын шыққан көлік үшін 2250 сом (13.75 мың теңге) сұралса, жасы
5-тен 10-ға дейінгі машина иесі — 1875 сом (11.5 мың теңге),10-нан 15 жылға дейінгі автомобильге — 1500 сом (9.2 мың теңгеге жуық), ал 15 жыл бұрын және одан ерте шыққан техника үшін 1125 сом (6.9 мың теңгеге жуық) төлейді.
Айта кетерлігі, салықты жанармай бағасына қосу туралы мәселе біздің елде де көтерілген. Алайда тұрғындар, қоғамдық ұйымдар және тіпті Мемлекеттік кірістер комитетінің ұсынысынан артық еш қадам жасалмады.
Комментариев: 0