Аса қымбат жылжымайтын мүлік пен көлікке иелік ететін тұрғындарға қосымша салық салуды мемлекет басшысы тапсырған болатын. Оны орындауға кіріскен Экономика министрлігі бұл салық түрін 100-150 мың доллар тұратын машинасы бар азаматтар төлейтін шығар деп болжады. Дегенмен салықшылар «аса сәнді» автомобильдің құнын қалай есептейтіні әзірше түсініксіз.
Бүгін мәжіліс отырысында қаржы министрі әрі премьер-министрдің орынбасары Ерұлан Жамаубаев байлық салығы енетін мерзімді жобалап айтты.
«2024 жылғы 1 қаңтардан бастап Салық кодексі (жаңарған — Kolesa.kz ескертп.) болады, соған жазамыз. Біз келер жылғы қыркүйекке дейін тапсырмаға сай түзетулерді дайындап, мәжіліс талқысына салуға тиіспіз. Заң 2023 жылы қабылданып, 2024 жылдың басында күшіне енеді деп үміттенеміз», — деді министр.
Комментариев: 0