Еуразиялық экономикалық одақ пен Моңғолия арасындағы Уақытша сауда келісімінің ратификациясы туралы мәліметті Сенаттың баспасөз қызметі жариялады.
«Келісім өзара саудадағы техникалық кедергіні жоюға және либерализацияға құқықтық негіз береді.
Негізгі ережелер:
- Құжат үш жыл мерзімге жасалған, ұзарту мүмкіндігі бар.
- Астық, құс еті, сүт өнімдері, май, кондитерлік өнімдер, металлургия және химия өнеркәсібі өнімдері, көлік құралдары және т.б. тауарларға салынатын баж салығын азайту немесе толық алып тастау көзделген», — деп жазылған хабарламада.
Тараптар келісімге 2025 жылы 27 маусымда Жоғары Еуразиялық экономикалық кеңес отырысында қол қойған, енді оны қатысушы мемлекеттер верификация процесінен өткізіп жатыр. Келісімге сәйкес Моңғолия ЕАЭО елдерінен, соның ішінде Қазақстаннан келетін жеңіл автомобиль, электромобиль, самосвал, жүк көлігі, өрт сөндіретін машина, тіркеме мен жартылай тіркеме, автоцистерна және агрегаттарды кедендік алымнан босатуға міндеттеледі.
Сауда министрлігі Kolesa.kz редакциясына хабарлағандай, Моңғолия тауарларды, соның ішінде көлік құралын баж салығынан босату үшін тауарды Еуразиялық экономикалық одаққа мүше мемлекеттер өндірген болуы шарт.
Келісім ЕАЭО құрамына кіретін барлық ел қол қойған соң күшіне енеді. Бірақ ол қашан жүзеге асатыны қазірше белгісіз.
Комментариев: 0