Қазақстандағы Changan топтамасына Eado Plus седаны қосылады

Алматыда орналасқан Astana Motors Manufacturing Kazakhstan зауыты шығаратын Changan топтамасы Eado Plus моделімен толығады. Жергілікті реестрде Көлік құралының типін мақұлдау құжаты жарияланды.

1 / 8

• 
• 
• 
• 
• 
• 
• 
• 

1 / 8

Одан C211 индексті автомобиль конвейерге тұратынын көруге болады. Ол Қытайда 2018 жылы жарық көріп, содан бері бірнеше мәрте жаңарған. Машинаның ұзындығы — 4730 мм, дөңгелек базасы — 2700 мм.

Eado Plus 103 ат күшіне ие (145 Нм) 1.5 литрлік мотормен жүреді. Жабдықтар тізіміне алдыңғы және бүйірлік эйрбэг, климат-бақылау, барлық орындықты жылыту, рөлді жылыту жүйелері, электрлі люк, парктроник, жарық сезгегі және т.б. кіреді.

1 / 7

• 
• 
• 
• 
• 
• 
• 

1 / 7

Changan өкілдері седан Қазақстан нарығына нақты қашан шығатынын әлі хабарлаған жоқ.

Бұл көлікті жеке импорттаушылар елге бұған дейін де әкеліп жүрген. Қытайдан келетін 1.4 литрлік турбомоторы және робот қорабы бар Eado Plus Қазақстанда 6.9 млн теңге тұрады.