Қазақстанда жол апатының саны артып барады

Былтыр прокурорлар 2023 жылдың қорытындысы бойынша (12 айда) елде 15 647 жол-көлік оқиғасы тіркелген деді. Сақтандыру компаниялары бұл деректі нақтылап, жалпы 92 925 жол апаты болғанын айтты.

Биыл көктемде Бас прокуратураның Құқықтық статистика және арнайы есепке алу жөніндегі комитеті 2024 жылды қорытындылап, елде 31 597-ден астам жол апаты болғанын, 2582 адам қаза тапқанын хабарлады. «Евразия» сақтандыру компаниясының Kolesa.kz редакциясына берген нақты дерегіне сүйенсек былтыр сақтандыру компаниялары міндетті сақтандыру шеңберінде жол-көлік оқиғасынан зардап шеккендерге* 131 502 төлем жасаған.

*Жеңіл көлік, жүк көлігі, тіркеме, автобус, мотоцикл, сонымен қатар баған мен қоршау сияқты мүлікке залал келгені үшін 129 878 төлем; зардап шегіп, денсаулығына зиян келген және мүгедек болып қалған жүргізушілер, жолаушылар мен жаяу жүргіншілерге және қаза тапқан кісілердің туыстарына (кәмелетке толмаған балалар мен басқа адамның асырауындағы тұлғаларға) 1624 төлем жасалды.

Қаражаттың бір бөлігі 2023 жылдың аяғындағы айлардан 2024 жылға келсе, қалған бөлігі 2025 жылға өткен.

«Сақтандыру компаниялары берген дерек прокурорлар атаған саннан 4.16 есе көп. Себебі ресми статистикада тек адам өмірі мен денсаулығына зиян келген апаттар есепке алынған. Ең үлкен айырмашылық Астанада — 11.59 есе, ал ең азы — Маңғыстау облысында (1.54 есе)», — деді «Евразия» компаниясы.

Олардың мәліметінше әрбір оныншы жол апатына үш және одан көп көлік қатысады, бұл апат деңгейін төмендетеді, өйткені бір сақтандыру жағдайы үшін бірнеше төлем жасалады. 2024 жылы жаяу жүргіншілер қатысқан 11 970 оқиға есепке енбеген. Осылайша былтыр Қазақстанда кем дегенде 130 мың жол-көлік оқиғасы тіркелді деуге болады.

Прокурорлар мен сақтандыру компанияларының дерегі алаңдатады. 2023 жылы — адам зардап шеккен 15 647 (жалпы 92 925) оқиға, былтыр адам зардап шеккен 31 597 (жалпы 131 502) апат тіркелді. Жыл сайын жол апатының саны бірнеше есе өсіп келеді.