Жақында ҚР ИИДМ бұйрығына сай, жеті автомобиль жолы ақылы болады. Щучинск — Көкшетау, Шымкент — Өзбекстан шекарасы, Шымкент — Тараз, Шымкент — Қызылорда, Тараз — Қайнар, Нұр-Сұлтан — Павлодар және Қапшағай — Талдықорған тас жолында ақы алына бастайды.
Жол ақысын алдын ала төлегенде:
Щучинск — Көкшетау (60.7 км)
Жеңіл көліктер үшін — 50 теңге, автобустар мен жүк көліктері үшін — 330 теңгеден 1600 теңгеге дейін.
Тегін жүруге болатын балама жол: республикалық маңызы бар «Бурабай курорттық аймағы жолының» Щучинск — Бурабай бөлігі, Бурабай — Наурызбай батыр — Ақмола облысының шекарасы тас жолы, Щучинск — Бурабай — Щорса — Ильичёвка тас жолының Щорса — Ильичевка бөлігі.
Шымкент — ҚР мен ӨР шекарасы (84 км)
Жеңіл көліктер үшін — 90 теңге, автобустар мен жүк көліктері үшін — 400 теңгеден 2100 теңгеге дейін.
Тегін жүруге болатын балама жол: облыстық маңызы бар Қазығұрт — Қызылқия — Ақжар — Дербісек — Дихан баба тас жолы, Қазығұрт — Тұрбат — Өндіріс тас жолының Қазығұрт — Шарбұлақ бөлігі, облыстық маңызы бар Шарбұлақ — Қарабау — Сынтас тас жолы, Шарапхана — Жаңабазар — 1 Мамыр тас жолының Сынтас — 1 Мамыр бөлігі, Шымкент — Қасқасу — Көксайек тас жолының 1 Мамыр — Сайрам — Шымкент бөлігі.
Шымкент — Тараз (100.3 км)
Жеңіл көліктер үшін — 70 теңге, автобустар мен жүк көліктері үшін — 350 теңгеден 1750 теңгеге дейін.
Тегін жүруге болатын балама жол: Шымкент — Шаян — Жаңатас — Саудакент — Тоғызкент — Ақкөл — Тараз тас жолы.
Шымкент — Қызылорда (441.7 км)
Жеңіл көліктер үшін — 420 теңге, автобустар мен жүк көліктері үшін — 2170 теңгеден 10 930 теңгеге дейін.
Тегін жүруге болатын балама жол: облыстық маңызы бар Қызылорда — Айдарлы — Тартоғай тас жолы, облыстық маңызы бар Шиелі — Қарғалы — Байкенже — Жаңақорған тас жолы, облыстық маңызы бар Самара — Шымкент — Жаңақорған — Түгіскен — Келінтөбе тас жолының Жаңақорған — Түгіскен — Келінтөбе бөлігі, облыстық маңызы бар Келінтөбе — Кандоз тас жолы, облыстық маңызы бар Кандоз — Көктөбе, Түркістан — Шәуілдір — Төрткөл тас жолының Балтакөл — Шауілдір бөлігі, облыстық маңызы бар Шәуілдір — Ақдала тас жолы, Шардара — Арыс — Темірлан тас жолының Ақдала — Мамаевка бөлігі, облыстық маңызы бар Алтынтөбе — Бадам — Бөген — Төрткөл тас жолының Мамаевка — Алтынтөбе бөлігі.
Тараз — Қайнар (237.5 км)
Жеңіл көліктер үшін — 230 теңге, автобустар мен жүк көліктері үшін — 1190 теңгеден 5990 теңгеге дейін.
Тегін жүруге болатын балама жол: облыстық маңызы бар Тараз — Аса — Ақкөл — Саудакент тас жолының Тараз — Ақкөл бөлігі, облыстық маңызы бар Ақкөл — Ойық — Ұланбел тас жолы, Бірлік — Мойынқұм — Ұланбел — Шығанақ тас жолының Ұланбел — Бірлік бөлігі, Меркі — Бурылбайтал тас жолының Бірлік — Шу бөлігі, республикалық маңызы бар Шу — Қайнар тас жолы.
Нұр-Сұлтан — Павлодар (375 км)
Жеңіл көліктер үшін — 380 теңге, автобустар мен жүк көліктері үшін — 1870 теңгеден 9380 теңгеге дейін.
Тегін жүруге болатын балама жол: республикалық маңызы бар Нұр-Сұлтан — Қабанбай батыр — Киевка — Теміртау тас жолы, республикалық маңызы бар Бастау — Ақтау — Теміртау тас жолының Теміртау — Ақтау бөлігі, республикалық маңызы бар Қарағанды — Аягөз — Бұғаз тас жолының Ақтау — Ульяновский бөлігі, республикалық маңызы бар Қалқаман — Баянауыл — Үміткер — Ульяновский тас жолы, облыстық маңызы бар Беловка — Қалқаман тас жолы, республикалық маңызы бар Ленинский — Ақсу — Көктөбе — Үлкен Ақжар — Курчатов тас жолының Беловка — Ленинский бөлігі, «Ертіс өзені арқылы өтетін көпір» республикалық маңызы бар тас жолы.
Қапшағай — Талдықорған (186 км)
Жеңіл көліктер үшін — 190 теңге, автобустар мен жүк көліктері үшін — 930 теңгеден 4660 теңгеге дейін.
Тегін жүруге болатын балама жол: республикалық маңызы бар Өзбекстан шекарасы — Шымкент — Тараз — Алматы — Қорғас (Көкпек, Көктал, Қайнар арқылы) тас жолының Алматы — Көкпек — Көктал бөлігі, республикалық маңызы бар Сарыөзек — Көктал тас жолының Көктал — Байғазы бөлігі, облыстық маңызы бар Қоғалы — Көксу — Қарабұлақ тас жолының Байғазы — Қоғалы — Қарабұлақ — Талдықорған бөлігі.
Жолға ақы алудың нақты қашан басталатыны әлі жарияланған жоқ. Болжам бойынша биыл күзде басталады. Жаңа ақылы жолдарға шлагбаум қойылмайды. Жүргізушілер RFID-таңба арқылы төлем жасайды.
ҚР ИИДМ бұған дейін жаңа ақылы жолдар 2021 жылы сәуірде іске қосылады деп хабарлаған, бірақ төлем қабылдау мерзімі маусым айына ауыстырылды.
Биыл мамырда жол сапасы мен жол бойындағы қызмет көрсету жағдайына көңілі толмаған жүк көлігін жүргізушілер жаңа ақылы бөліктерінің ашылуына қарсы шықты. Нәтижесінде төлем қабылдау мерзімі тағы да кейінге шегерілді, ҚР ИИДМ жолдарды ретке келтіруге уәде берді.
Шілдеде президент елдегі ақылы жолдардың сапасын сынға алды.
Комментариев: 0