Новые участки дорог в РК должны стать платными уже в конце апреля

Сәуірде тағы бірнеше жол ақылы болады

Төлем дифференциал тариф арқылы қабылданады. Алдын ала төлем жасағандар үшін жол ақысы екі есе арзан болады.

Kolesa.kz тілшісіне ҚР ИИДМ Автомобиль жолдары комитеті хабарлағандай, наурызда жаңа ақылы жол бөліктеріне құрылғы орнату аяқталды (жалпы ұзындығы 5739 шақырым). Бір айда құрылғыларды баптап, сынақтан өткізеді. Ал сәуірдің аяғында белгіленген жолдарда ақы алына бастайды. Тариф әлі нақтыланған жоқ. Қолда бар ақпаратқа сүйенсек, жеңіл көліктер әр шақырымға алдын ала төлесе 0,8-1,1 теңге, кейін төлесе 1,5-1,7 теңге болады. Ал жүк көліктері мен автобустар салмағы мен жолаушы санына байланысты әр шақырымға алдын ала 1-26,7 теңге, кейін 1,5-37,8 теңге аралығында ақы төлейді.

Сәуірдің соңында барлық көлік үшін ақылы болатын жол бөліктері:

  • Шымкент — Өзбекстан шекарасы,
  • Щучинск — Көкшетау,
  • Шымкент — Қызылорда,
  • Шымкент — Тараз,
  • Тараз — Қайнар,
  • Қапшағай — Талдықорған,
  • Нұр-Сұлтан — Павлодар.

Тек жүк көліктері мен автобустар үшін ақылы болатын жол бөліктері:

  • Көкшетау — Петропавл;
  • Орал — РФ шекарасы (Саратов);
  • Орал — РФ шекарасы (Самара);
  • РФ шекарасы (Орынбор) — Ақтөбе;
  • Ақтөбе — Орал;
  • Ақтау — Бейнеу;
  • Атырау — Бейнеу — Өзбекстан шекарасы;
  • Қостанай — РФ шекарасы (Троицк);
  • Павлодар — РФ шекарасы (Омбы);
  • Павлодар — Семей — Қалбатау;
  • Қарабұтақ — Қызылорда;
  • Нұр-Сұлтан — Қостанай.

Сонымен қатар Алматы — Қапшағай және Қапшағай — Талдықорған жолында төлем қабылдау жүйесін біріктіру жоспарланып отыр. Әрі жол ақысы қазіргідей белгіленген мөлшерде емес (оңтүстік астанадан Қапшағайға дейін 200 теңге), жүріп өткен шақырымына байланысты алынады.

Алдағы төрт жылда тағы 5,2 мың шақырым республикалық маңызы бар жол ақылы режимге көшеді. Нәтижесінде 2025 жылға қарай елде 11.7 мың шақырым жол ақылы болады.

Еске сала кетейік, жаңа ақылы бөліктерде ашық төлем қабылдау жүйесі қолданылады. Жолдағы көлік қозғалысын 1000 арнайы камера бақылайды.

Kolesa.kz мобильді қосымшасы арқылы жол ақысын екі есе арзан төлеуге болады.

Комментариев: 0

Чтобы оставить комментарий, вам необходимо зарегистрироваться или авторизоваться.