«Ведомости» басылымы берген мәлімет бойынша Volkswagen-нің Ресейдегі өндіріс орнына иелік етуі мүмкін компаниялар тізімінде қазақстандық «Азия Авто» бар екен. Бірақ Өскемендегі көлік құрастыратын алаң сатылайын деп жатыр, ал қадағалаушы акционер Анатолий Балушкин халықаралық іздеуде жүр.
«Азия Авто» мен оның басшысының түсініксіз статусы, жылына 225 000 көлік пен 150 мыңға жуық 1.6 MPI моторын шығара алатын мекеме үшін сұралатын 450–600 млн еуро қаражаттың жоқтығы мәміле жасау мүмкін емес екенін аңғартады. Дегенмен немістердің Ресей нарығынан кеткісі жоқ, сондықтан олар «Азия Автоны» қарыз қамытынан босататын несие беруге дайын.
Қазақстан да миллиондаған Ресей тұрғыны үшін автомобиль шығарып, АВТОВАЗ-бен терезесін теңестіруді қалайтыны анық. Алайда қауіп жоғары: несие алған күнде де, оған мемлекет кепіл болады, демек жағдай жақсармаса билік тағы бюджеттегі ақшаға қол салады.
Жағдайды Қытай бақылап отыр әрі тиімді мәміле жасауға мүдделі. Өзбекстан да автоөндірісін барынша дамытуды көздейді.
Комментариев: 0